4.3 區區有建樹 - 西貢區

最新「區區有建樹 - 西貢區」短片上線啦 !
農曆新年就快到啦! 新春長假有咩好去處? 不如好似我友建樹咁去西貢區體驗一下悠閒之旅呀! 今次除咗我樹樹之外，仲有西貢民政事務專員Kathy，帶我一齊踏單車，簡直係龍年行大運啦! 我哋仲一齊野餐同 “Camping” ，又去咗睇香港嘅地質及火山活動嘅歷史，想知我樹樹同Kathy專員仲去咗邊啲西貢區嘅最潮景點? 事不宜遲，快啲去片感受下樹之2日1夜西貢區悠閒體驗啦http://q-r.to/belATn !

【樹之2日1夜悠閒體驗之旅】:
第站: 社企 [聰鳴茶座] – 由聽障人士經營，為聽障人士提供飲食業培訓及就業機會，樹樹當然要品嚐佢哋製作嘅美食，一邊野餐一邊享受大自然啦! 主人仲可以帶埋寵物毛孩一齊嚟享受美食同大自然㗎!
網址: https://dcafe.deaf.org.hk/
地址：新界西貢蕉坑獅子會自然教育中心
電話: 2791 0834
營業時間: 上午8時30分至下午4時30分 (逢星期二休息;農曆年三十至年初五休息，年初六啟市)

第站: 認識火山 – 原來好多年前香港都曾經發生火山爆發，仲形成咗西貢一帶嘅六角形岩柱，一齊跟樹樹去 [火山探知館] 探索一下啦。

第3站: 將軍澳風物汛及靈風雅舍 – 由舊調景嶺警署及員工宿舍復修而成嘅景點，係西貢區嘅「社區重點項目計劃」之一，以自負盈虧及非牟利方式管理及營運，並僱用傷健人士，為佢哋提供職業培訓。喺度除咗可以了解過往調景嶺居民嘅生活點滴及西貢區嘅發展之外，仲可以喺靈風雅舍staycation，部分房間更以露營風主題佈置，打卡一流!

最後一站: 將軍澳跨灣大橋 – 喺2022年底通車，係香港首座三合一海上高架橋，同時提供行車道、單車徑及行人路。大家多左個地方踩單車之餘，仲可以欣賞到海天一色嘅美景，係打卡嘅好地方！

最後，樹樹同Kathy專員喺度預祝大家:龍年萬「樹」如意，身體健康！